WWW.TALEHALIYEV.MOY.SU

Qəlbim,sus...

talehaliyev — Fri, 19 Jun 2009 12:08:31 GMT

Susmaq istəyirəm...Daha danışıb özümü incitmək istəmirəm,hər danışdıqca içim daha da sıxılır ,çox incidir yaramı ,o yaranı ki, heç vaxt sağalmayacaq.
Məni dinləyən yoxdu.Dinlənildikdə “narahat olma” sözünü eşitməkdən artıq bezmişəm.
Çox yorulmuşam sadəcə yastığı başıma basıb ağlamaq istəyirəm, çünki istəmirəm kimsə ağlamağımı eşitsin.
Getmək,uzaq olmaq istəyirəm hər kəsdən.Gedişimlə heçnə dəyişməyəcək,həyat onsuzda mənsiz belə öz axarında davam edəcək.
Mən sussam belə qəlbim danışacaq.Qəlbimə deyirəm: "sus", ama çırpınıb danışır. Qəlbim mənim gedişimlə mənimlə gedəcək,onu xəyaldolu,puç olan ümidlərdolu həyatdan aparıram.Qəlb qan ağlayır,çırpınıb nə isə demək istəyir...Qəlbim sus,çırpınma,döyünmə ,amma o dayanmadan döyünür,ağlayır,”Getməyək,məni onsuz qoyma”:deyir....
O kimdi axı? O,axı heç səni düşünmür.Niyə axı sən ona görə döyünürsən? Doğrudanmı o,bütün bunlara dəyərmi?
Qəlbim: “nə olursa-olsun,onun nəfəsi,xoşbəxtliyi bəsdi mənə” deyir...
Onun nəfəsini ona Allah verib, amma sənin nəfəsini o, səndən alıb...
Sən ona ürək verdin, ama o, sənə onu qırıb qaytardı.
Sən ona hisslərini verdin, amma o hisslərini sənə puç edib qaytardı.
Sən ona həyatını verdin, amma o sənə ölüm verdi.
Həmişə ona deyərdim: "Səni tanımamışdan əvvəl bir dostum var idi.Səni tanıdım ondan ayrıldım.Əgər bir gün məni tərk etsən yenə o dostuma qayıdacam,o dostumun adı "TƏNHALIQ"dı. Zaman keçdi...Mən hər kəsi tərk etdim və yenə o dostuma qayıtdım.İndi çox uzaqlardayam...
"Qəlbim, niyə çırpınmırsan?" deyə soruşdum.
Qəlbim daha dinmədi,susdu və əbədi olaraq birdəfəlik susdu...

Səni nifrətlə cox istəyirəm...

talehaliyev — Fri, 19 Jun 2009 09:55:23 GMT

Hərdən çox fikirləşirəm.Qurban olduğum Allah sevgi adlanan hissi insanlara niye verib?Bizi xoşbəxt yoxsa bədbəxt etmək üçün?Gəlin etiraf edək ki,bu hiss bizi sevindirməkdən daha çox üzür.Kaş sevmək, cox istəmək qədər unutmaq da çətin olmazdı.Kaş onun səni sevmədiyini,cox istəmədiyini bildiyin an sən də onu asanlıqla silib ata biləydin.Kaş onun sənə verdiyi sözlər də sənin ona verdiyin sözlər kimi düz olaydı.Kaş yıxıldığın anda qalxmağı da bacaraydın.Ama olmur,arzular həmişə həyata keçmir.Sən həm sevən,cox istəyən,həm üzülən,həm alçalan,həm də qüruru ayaqlar altına atılan olursan...

Niyə sevən,cox istəyən insanın qiymətini sevilən insan deyil,başqaları verir? Onun sonradan peşman olmasının sənə nə faydası var? Onun sənə “Sən çox yaxşı insansan,inanmıram ki bundan sonra sənin kimisi mənim həyatımda olsun, ama mənim sənə qarşı hisslərim bitib,istəyirsənsə dost kimi qalaq” deməsinin nə mənası var? Mənası yoxdu,ama sənin də onun yanında olmaq üçün başqa əlacın yoxdu.Elə mənim də başqa əlacım yox idi.Ona görə də mənə həyatımın ən pis günlərini yaşadan bu "dostluğ"u ağılsızcasına qəbul etdim.Onun mənimlə danışanda hər gülümsəməsini özüm üçün ümid işığı sandım.Ama yanıldım.Məgər o məni istəməyi çoxdan unutmuş,yeni bir sevgi macərasını yeni biri ilə yaşamağa başlamışdı...
Bir insan nə dərəcədə belə ürəksiz ola bilər sizcə?Mənim ona qarşı olan hisslərimi, onu nə qədər cox istədiyimi, onuncün nələr etdiyimi, nələrdən keçdiyimi bilə-bilə məni üzdü, incitdi, qəlbimi qırdı...
Bütün bu olanlardan sonra da ona olan sevgim,istəyim yenə də bitmədi,səbəbini bilməsəm belə...Ama əvvəlkindən fərqli olaraq onu bu dəfə nifrətlə çox istəyirəm...

Küskün ürək...

talehaliyev — Fri, 19 Jun 2009 07:22:31 GMT

İnsan ürəyi bəzən çox kövrək,titrək,küskün olar.Bəzən bircə sözə,bir sərt baxışa,soyuq baxışa küsər,inciyər...Sanki bir körpədir.Nazlanmaq istər,bəslənmək istər,sevilmək istər.Küsən bir könül barışıq istər.Bəzən qürur qoymaz onu barışmağa.Qoymaz ilk addımı atmağa...Deyər barışma...Qürur gözlərə əmr edər: "Baxma,görmə yalvarışları...Görmə düzgünlüyü,həqiqəti..." Qürur qulaqlara əmr edər : "Eşitmə bağışla sözünü.Eşitmə deyilən sözləri...Bir kərə dinlədin,eşitdin küsdürdü səni...Daha dinləmə...eşitmə..." Qürur əmr edər dodaqlara: "Deyilən hər sözü təbəssümlə qarşılama,gülmə..." Bəzən qürur yaradar incikliyi, uzadar barışığı.
Bəzən küsərik barışacağımızı bilə-bilə.Bəzən küsərik barışmaq istəyi ilə...
Küskün könül barışıq istər...Qürura qalib gəlib barışar.Bağışlayar bütün səhvləri...Hər incikliyin barışığı daha gözəl olar. Daha mehriban olar. Sanki yağmurda islanmiş, soyuqda donmuş biri. ..İsti qucaq istər...isti söz istər...Sadəcə özlənmiş barışığı istər...

Lakin bəzən elə küsərik barışığı gözləmədən.Sanki bütün bağlılıqlar qırılar.Bütün xoş xatirələr bir anda unudular.Bütün yaxşılıqlar itər.Qəlbən küsərik barışığı istəmədən.Uzaq olmaq istərik yaxınımız olsa belə.O zaman barışığa son qoyan qürur deyil,ürək olar. Küskün ürək,kövrək ürək,sınmış ürək...Hansı ki, bir BAĞIŞLA sözü ilə barışmayan,yumşalmayan,küskün ürək...O zaman qürurdan öncə sınmış,küskün barışıq istəməyən ürək dayanar...
Və ya sonunun olmadığını bildiyimiz halda gözləmək...Alınmayacağını bildiyimiz halda mübarizə aparmaq...Hər gün özümüzə söz veririk.Bu dəfə unudacağam daha ağlamayacam.Amma hər dəfəsində daha çox ağlayırıq "biz"ə. O gəlir ağlımıza..Hər şeyin əvvəlki kimi olmadığını hiss edirik...
Nə qədər ayrılığı qəbul etmək istəsəm də bacara bilmədim unuda bilmədim.. Bax yenə sən gəldin ağılıma. .Göz yaşlarım süzülür mən istəməsəmdə..Soruşuram özümdən haradadır o ? Nə edir indi? Məni düşünürmü? Yanımda olmadığın qətidir,başqa qollarda olsanda nə fərq edərki. "Bumuydumu xəyalındakı men? "deyə soruşsan mənə , əmin ol "yox bu deyildi" deyərəm. Darıxıram darıxılmadan. Bütün xəyallarda həmişə hər kəs mən mən mən deyir..Amma mənim istədiyimsə bu deyildi.
Mənim istədiyim sadəcə "Biz" idi...

P.S. FİKİRLƏRİNİZİ BİLDİRMƏYİ UNUTMAYIN !!!

* SAYT BARESINDE FIKIRLERINIZI BILDIRMEYI UNUTMAYIN !!! * ----------- HER KESE UGURLAR !!! -----------

talehaliyev — Wed, 27 Aug 2008 11:48:27 GMT

WWW.TALEHALIYEV.MOY.SU

Qəlbim,sus...

Səni nifrətlə cox istəyirəm...

Küskün ürək...

******* SAYT BARESINDE FIKIRLERINIZI BILDIRMEYI UNUTMAYIN !!! ******* ----------- HER KESE UGURLAR !!! -----------

* SAYT BARESINDE FIKIRLERINIZI BILDIRMEYI UNUTMAYIN !!! * ----------- HER KESE UGURLAR !!! -----------